يعني إيه كلمة وطن ؟

الغريب إنه الكليشيه ده ظهر في نهاية الثمانينات في إحدى حلقات مسلسل عجيب لعروسة اسمها كوكي كاك، مع الفنانة المندثرة إيمان الطوخي
أخدها د.مدحت العدل، وخلاها مدخل أغنية في فيلم أمريكا شيكا بيكا في بداية التسعينات اللي بيناقش قضية خطيرة، عن الناس اللي بتهرب من بلدها ورا حلم السفر إلى الخارج والعياذ بالله
**
أغاني كتير في الفيلم كانت بتلعب على مغازلة الحس المصري، الحميمية، الشوارع، بنات المدارس، نفس التيمة اللي لعب عليها مع عمرو دياب في فيلم أيس كريم في جليم.. أغنية رصيف نمرة خمسة

يعني ايه كلمه وطن ** يعني ايه كلمه وطن
يعني ارض حدود مكان ** ولا حاله من الشجن
ولا ايه لا ايه ولا ايه (لاحظ الاستهجان)ـ

أسئلة مشروعة.. العدل بيطرحها، ويخلينا نتساءل، وبعدين يدور معانا على الوطن

شاي بالحليب علي قهوه في الضاهر هناك
نسمه عصاري السيده ودير الملاك
يعني ايه كلمه وطن
نشع الرطوبه في الجدار (نشع الرطوبة.. هتلاقيه فين تاني ده؟؟ )ـ
ولا شمس مغرقه برد النهار
ولا امك ولا اختك (فين نخوتك؟) ـ
ولا عساكر دفعتك
والرمله نار

بيستصرخ العدل جوا الشباب الضائع ذكرياتهم البريئة، والناس الطيبة، والحاجات الحلوة اللي مش هيلاقوها بره

يعني ايه كلمه وطن
يعني ريحه يعني صوت (أكرر ..يعني ريحة يعني صوت)ـ
ايام بتشكي في بعضها وسنين تفوت
واما نسافر والحدود يفصل مابينها الف ميل
اما نسافر والحدود يفصل مابينها الف ميل
بنسيب سنين الحب والعمر الجميل
ولا ايه ولا ايه ولا ايه
ولا بناخد كل دول
هزه فرح او غيم هموم
واحنا بنحلم بالوصول
حتي في عرقنا في الهدوم (العرق والشقا والحاجات دي) ـ
بتهزنا حاله شجن

هوه ده معني هوه ده معني الوطن
هوه هوه هوه ده معني الوطن
هوه هوه هوه ده معني الوطن
هنا وصل كل من العدل ومحمد فؤاد.. إلى الحقيقة

المزيكا ألحان أحمد الحجار صاحب الأغنية التسعينية الشهيرة.. لملمت خيوط الشمس ، اللي أنهى الأغنية بأجواء بطولية مع قرع الطبول والبراس سيكشن

ـــــــــــــــــــــــــ

لم تكن الكتابة عن أغاني الحرب والانتصار. لأسباب شخصية

النوستالجيا - رحم الله الزمن الماضي

النوستالجيا.. للأسف لم أجد كلمة أخرى بديلة تعبر عن هذه الحالة الخطيرة
أكره هذه الكلمات المتحذلقة التي يستخدمها المترفين، على أي حال، هي أقوى من كلمات أخرى مثل الحنين، والشجن، والطرب، و..الخ
هذا الإحساس النوستالجي هو إحدى معجزات الله في البشر، وبعيدا عن ألبومات الذكريات والروائح المميزة وغيرها من أدوات تحفيز الذاكرة، فالموسيقى هي المنعش الأول لذاكرتي العامرة
**
يوم الجمعة الماضي، كنت أجلس في المقعد الأمامي للسيارة، طلبت منه أن يمر من شارع سليم الأول
ـ ليه؟ إشمعنى؟
ـ مش عارف، بفتكر أيام عمرها ما هترجع.. أيام مدرسة القبة، في أولى ثانوي، الفترة المسائية، وبعدها أيام الامتحانات في الثانوية العامة... أي نعم هي كانت أيام نحس، لكن لما بعدي هنا بحس بحنين قاتل
ـ اااه
ـ ولسه الأيام اللي أنا عايشها دلوقت، ححس بعدين بحنين ليها
**

شريط ـ عفوا لا استخدم كلمة ألبوم كثيرا ـ ويلوموني لعمرو دياب 95/94، صدر حين كنت في الصف الأول الثانوي، كانت أغانيه تحمل حساسية عالية، أتذكر ترومبيت أغنية "العيون لو تخون، يبقى كل شيء يهون"، كان من أعظم ما سمعت للترومبيت بعد ترومبيت أغاني عدوية.. مع الفارق
الآن حين أسمعها أغيب عن العالم قليلا، انتقل إلى منطقة سراي القبة، شتاء95، هناك أغان أخرى تذكرني بطفولتي
وتتدفق في شراييني الـ..نوستالجيا، و الحنين إلى ما لا يمكن إعادته
وهو ما يبكيك حزنا على ما فات، وهو ذاته ما يرسم ابتسامة الانتصار على شفتيك حين تجد في نفسك القدرة على استعادة الماضي بنغمات هادئة
**

أغنية وغلاوتك، من ألبوم عودوني، تذكرني بأغنية "العيون"، وكلاهما يعيدني إلى ما لا استطيع استعادته
تلك كانت إحدى النغمات التي تحيي النوستالجيا، استحضرت معها لحظات لن تعود
رحم الله الزمن الماضي